ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានចោទសួរទៅកាន់អ្នកកាសែតប្រទេសជឿនលឿនមួយចំនួនដែលបានសរសេរវាយប្រហាររាជរដ្ឋាភិបាលកម្ពុជាថាមានកម្សោយក្នុងការឆ្លើយតបទៅនឹងជំងឺកូវីដ១៩ថាពួកគេចេះមានវិប្បដិសារីឬទេ?

សម្ដេចតេជោថា ការឆ្លើយតបនឹងជំងឺកូវីដ១៩មិនសំដៅលើប្រព័ន្ធសុខាភិបាលខ្លាំងឬខ្សោយនោះទេ គឺលើការគ្រប់គ្រងនិងសមត្ថភាពដឹកនាំ។

សម្ដេចថ្លែងបែបនេះក្នុងការរំលឹកខួប១០ បូក១ឆ្នាំនៃប្រតិបត្តិការក្រុមហ៊ុន Minibea នៅកម្ពុជា។

គួរឱ្យដឹងផងដែរថាក្នុងពេលដែលកម្ពុជាផ្ទុះឡើងនៃជំងឺកូវីដ១៩ ក្រុមសារព័ត៌មានបរទេស រួមទាំងសារព័ត៌មានដែលគាំទ្រដោយបរទេសនៅកម្ពុជាមួយចំនួនបានសរសេរវាយប្រហារពីរកម្សោយនៃប្រព័ន្ធសុខាភិបាលកម្ពុជាដែលនឹងធ្វើឱ្យវិធានការឆ្លើយតបរបស់រដ្ឋាភិបាលគ្មានប្រសិទ្ធភាព។ តែសម្ដេចតេជោ បានបញ្ជាក់ផ្ទុយពីនេះដែលយើងអាចឃើញកម្ពុជាបានបើកសង្គមសេដ្ឋកិច្ចឡើងវិញដូចសព្វថ្ងៃ៕